Verëra dhe pije të distiluara nga zonat më të mira të Evropës
Në Toscana, Piemonte, Veneto, Trentino Alto Adige, Friuli Venezia Giulia, Bourgogne Chablis, Puglia, zona ndër më të vlerësuarat në botë nga dashamirësit e verës, kemi zgjedhur partnerët tanë që shquhen per pasionin, dashurinë dhe respektin për territorin. Ata ruajnë traditat e vjetra të kultivimit të rrushit dhe prodhimit të verës, duke përdorur një kombinim të mençur të dijes së trashëguar dhe teknologjive moderne. Cilësi të shquara që i japin një vlerë unike partnerëve tanë dhe shije të rralla produkteve të tyre.
Veneto
Veneto është prodhuesi i parë i verës në Itali me 12 milionë hektolitra verë në 2022. Verërat si Prosecco, Valpolicella, Valdobbiadene dhe Soave, janë një art dhe kulturë e vërtetë në Veneto.
Trentino Alto Adige
Trentino Alto Adige, një rajon malor në veri të Italisë, është një simbol i verërave të freskëta falë pozicionit gjeografik dhe kushteve të favorshme klimatik.
Piemonte
Në Piemonte, zonë e njohur mbi të gjitha për verërat e saj të kuqe, Barolo dhe Barbaresco, ka zanafillen ai revolucion i jashtëzakonshëm në botën e verës që e ktheu Italinë në krye të prodhimit të verërave të cilësisë së lartë.
Bourgogne Chablis
Chablis ndodhet në zonën e Bourgogna-s, një nga rajonet më të njohura të Francës për prodhimin e verës së bardhë Chablis, e quajtur shpesh "chardonnay që erdhi nga të ftohtit", për shkak të kushteve mjedisore të ashpra dhe delikate.
Friuli Venezia Giulia
Friuli-Venezia Giulia quhet edhe rajoni vendi i verërave të bardha. Fama e këtyre verërave ka arritur në nivele të tilla sa të shtyjë dikë t'i përkufizojë ato si "superwhites".
Toscana
Toscana është një nga rajonet më të rëndësishme italiane, e njohur në të gjithë botën për etiketat e saj të famshme të verërave. Në Toscana, vera është pjesë e historisë dhe kulturës ndër shekuj. Nga kodrat e Chiantit dhe Costa degli Etruschi deri te panorama e Val d'Orcia-s dhe Val di Chiana, shtrihen kilometra e kilometra vreshtash.
Puglia
Vreshtat ne Puglia dominohen padiskutim nga varietetet e rrushit të kuq, ndër të cilat mbretërojnë Negroamaro dhe Primitivo.
